Shqipëria
Vijon territori ynë të jetë nën ndikimin e kthjellimeve të pakta dhe vranësirave të shpeshta të cilat do të jenë dominuese në pjesën më të madhe të ditës.
Parashikohet që vranësirat herë pas here të pësojnë zhvillime të përkohëshme duke gjeneruar reshje të pakta shiu në zonat malore dhe në qytetet e zonës së ulët.
Ndërsa pjesa më e madhe e vijës bregdetare pritet të jetë me vranësira, por pa reshje. Temperaturat e ajrit do të mbeten kostante në mëngjes, por do të ulen në mesditë
duke u luhatur nga 4°C deri në 22°C.
Era do të fryjë e lehtë dhe mesatare në det me shpejtësi 30 km/h nga drejtimi Veriperëndimor duke sjellë në brigjet detare dallgëzim 2 ballë.
Kosova
Deri në orët e mesditës parashikohet që kushtet e motit të jenë me alternime kthjellimesh dhe vranësirash të shpeshta, të cilat do të gjenerojnë shira të pakta në
zonat Jugperëndimore.
Ndërsa pjesa e dytë e ditës do të shtojë vranësirat në Kosovë duke gjeneruara reshje shiu. Pritet që herë pas here të ketë dhe rrebeshe shiu.
Maqedonia e Veriut
Vlerat e ulëta barike do të vijojnë të diktojnë kushtet e motit në të gjithë territorin e Maqedonise, duke bërë që paraditja të jetë me kthjellime të pakta dhe vranësira të shpeshta të cilat
do të gjenerojnë shira të pakët.
Ndërsa pjesa e dytë e ditës do të zhvilloj gradualisht vranësirat duke bërë që i gjithë vendi të jetë në dominimin e reshjeve të shiut.
Rajoni dhe Europa
Rajoni i Ballkanit, Italia dhe zonae e Alpeve të Europës do të jenë nën dominimin e vranësirave të shumta të cilat herë pas here do të gjenerojnë reshje shiu.
Ndërsa pjesa tjetër e kontinentit pritet të jetë nën dominimin e masave ajrore të qëndrueshme, të cilat do të sjellin alternime kthjellimesh dhe vranësirash në Veri dhe Lindje të
kontinentit.
Gjthashtu me mot të qëndrueshëm paraqitet Europa Qëndrore në pjesën më të madhe dhe Jugperëndimi i kontinentit./abcnews.al
