Shqipëria
Pjesa e parë e ditës do të jetë nën dominimin e kthjellimeve dhe kalimeve të vranësirave të pakta, ku më të dukshme kthjellimet do të jenë në zonat perëndimore. Ndërsa në zonat malore vranësirat do të jenë më prezente, duke gjeneruar reshje të pakta shiu ne gjysmen e dytë te dites . Vija bregdetare do të mbetet nën ndikimin e kthjellimeve dhe kalimeve të pakta të vranësirave.
Temperaturat e ajrit do të rriten lehtë në mëngjes, por do të mbeten konstante në mesditë duke u luhatur nga 5°C deri në 25°C.
Era do të fryjë e lehtë dhe mesatare në det me shpejtësi 35 km/h nga drejtimi Veriperëndimor duke sjellë në brigjet detare dallgëzim 2 ballë.
Kosova
Prej disa ditësh Kosova në pjesën më të madhe të territorit ndodhet nën ndikimin e vlerave të larta barike, të cilat do të sjellin masa ajrore të qëndrueshme në vend. Pritet që deri në mesditë pothuajse e gjithë Kosova të jetë në dominimin e kthjellimeve dhe kalimeve të pakta të vranësirave. Ndërsa në pjesën e dytë të ditës vranësirat gradualisht do të bëhen më të dukshme në të gjithë territorin.
Maqedonia e Veriut
Pjesa e parë e ditës parashikohet të jetë në mbizotërimin e kthjellimeve dhe kalimeve të pakta të vranësirave, ku më të dukshme kthjellimet do të jenë në zonat Jugore të Maqedonise. Por gjatë pasdites dhe në vijim vranësirat do të shtohen në Maqedoni, ku herë pas here do të pësojnë zhvillime të përkohshme duke gjeneruar reshje të pakta dhe të izoluara shiu.
Rajoni dhe Europa
Pjesërisht Rajoni i Ballkanit dhe Alpet e Europës do të jenë nën ndikimin e vranësirave të shumta të cilat herë pas here do të sjellin reshje. Gjithashtu me vranësira dhe reshje shiu paraqitet Britania e Madhe. Ndërsa Skandinavia dhe Europa Lindore do të jenë nën dominimin e kushteve të qëndrueshme atmosferike. Po ashtu me kthjellime dhe kalime vranësirash parashikohet të jetë Europa Qëndrore dhe gadishulli Iberik, ku kthjellimet do të jenë më të dukshme./abcnews.al
