Mbrëmjen e sotme në emisionin “E ardhmja është vajzë” nuk kishte si të mungonin edhe surprizat.
Ka qenë gazetarët e ABC që kishin përgatitur një video-mesazh për koleget e tyre në studio.
Redaktori i informacionit Olsi Sejamini bashkë me gazetarët Redi Perleka, Juxhin Mustafaraj, Xhevair Zhabina, Bledar Kuka dhe Ermal Vija thanë disa fjalë zemre drejtuar vajzave në studio.
Me këtë rast, ata zbuluan edhe një lajm të ëmbël, që ditën e zgjedhjeve më 25 prill, gazetarja e politikës Erneta Shevroja u bë nënë e një vajzë.
“Vajzat gjatë këtyre tre ditëve kanë mbajt peshën kryesore, kanë raportuar gjatë kësaj kohe”, tha Sejamini.
“Ishin qershia mbi tortë gjatë kësaj kohe. Unë i ndoqa nga qyteti i Dibrës ku raportoja, sidomos Leontina nga Sheshi ‘Skënderbej”, u shpreh Zhabina.
Ndërsa Mustafaraj deklaroi: “Ditën e zgjedhjeve ndërkohë që unë raportoja morëm vesh që kolegia jonë Erneta Shevroja u bë me një vajzë”. l.k/abcnews.al
