Situata në industrinë gjermane të automobilave është përkeqësuar më tej dhe gjithnjë e më shumë kompani po shqyrtojnë pushimet nga puna, sipas një raporti të dhjetorit të publikuar nga Instituti IFO për Kërkime Ekonomike me bazë në Mynih.
Treguesi që vlerwson situatën e biznesit në industrinë gjermane të automobilave ra nga minus 32.4 pikë në nëntor në minus 34.7 pikë në dhjetor, kryesisht për shkak të përkeqësimit të pritjeve për të ardhmen.
Vlera e treguesit që vlerëson situatën aktuale të biznesit u rrit lehtë nga minus 33,8 pikë në minus 32,3 pikë, por vlera e indeksit që mat pritjet e biznesit të kompanive në gjashtëmujorin e ardhshëm ra nga minus 30,9 pikë në minus 37,1. pikë.
Rezultatet tregojnë se industria gjermane e automobilave ka rënë në një krizë edhe më të thellë, komentoi ekspertja e industrisë IFO, Anita Welfl.
Shumë kompani në industrinë e automobilave e kanë vlerësuar ngarkesën e tyre si të pamjaftueshme për të shfrytëzuar plotësisht kapacitetin e tyre prodhues.
Firmat nuk llogarisin as në një stimul pozitiv nga biznesi i huaj, pasi vlera e indeksit që mat pritjet e eksporteve ra nga minus 19.1 pikë në nëntor në minus 20.3 pikë.
Kriza në industrinë gjermane të automobilave ndikon edhe në kërkesën për fuqi punëtore, kështu që gjithnjë e më shumë kompani po mendojnë për largimin e punonjësve, shton Welfl./abcnews.al
