Sot është dita ndërkombëtare e portierëve dhe Thibaut Courtois ka kujtuar idhujt e tij. Belgu i Real Madrid është një ndër më të mirët në botë në rolin e tij. Aventura me “Los Blancos” nuk nisi mirë, por 27-vjeçari e mori veten dhe sivjet po zhvillonte një sezon fantastik.
Courtois ka publikuar një foto të hershme në rrjetet sociale, aty ku ka edhe një dedikim. “Nderime kolegëve të rinj në ditën ndërkombëtare të portierëve. Sa i përket legjendave, gjithmonë i kam parë me admirim Iker Casillas dhe Edwin Van Der Sar.
Ju falënderoj të dyve që më keni inspiruar për të përmbushur qëllimet e mia”, shkruan Thibaut Courtois, i cili është rritur duke parë performancat fantastike të portierëve spanjollë dhe holandezë. /abcnews.al
