Dita e ujit të bekuar, që kremtohet nga besimtarët ortodoksë, është shoqëruar me ritin e hedhjes së kryqit në ujë, në disa qytete të vendit.
Në Korçë, qyteti që identifikohet me këtë rit fetar, ceremonia u drejtua nga mitropoliti, imzot Johani.
23-vjeçari Elvis Rakipi i besimit mysliman, kapi kryqin në Korçë.
Në ceremoninë e hedhjes së kryqit në Gjirokastër, Mojsi Mërkuri, edhe pse vetëm 13 vjeç, i sfidoi të gjithë për kapjen e kryqit.
Dita e ujit të bekuar ose e njohur ndryshe si Epifania u kremtua edhe në Vlorë. Kryqin nga deti jon e nxori Bledi Dhima.
Edhe në brigjet e bukura të Sarandës u hodh kryqi në ujërat e Jonit.
Edhe pse temperaturat ishin relativisht të ulëta për qytetin bregdetar, 5 besimtarë ortodoks u zhytën për të garuar mes tyre, për kryqin që në fund u fitua nga më i vogli Dhimitri Papa 14 vjeç.
Besimtarët ortodoksë në Fier festuan këtë 6 janar ditën e ujit të bekuar. Hedhja e kryqit në ujë, një ritual i përvitshëm, u nxorr nga 17-vjeçari Samuel Kola
Mes pesë të rinjve që sfiduan të ftohtin, Vasil Aleksi, 18-vjeçari nga Durrësi, është i riu që kapi kryqin e hedhur në ujërat e Adriatikut.
