“Pressing” nis vrullshëm, ndërkohë që një sy e ka edhe nga merkato. Jo vetëm tek ajo e Superiores, por edhe tek ajo e panelit të specialistëve. I moderuar nga Gerti Çarçani, emisioni sportiv që transmetohet dy herë në javë (të hënë dhe të enjte ora 22:30) në ABC News, rikthehet sonte.
Tematika të ndryshme, ndeshjet e kombëtares në Nations League, suksesi i klubeve të Superiores në kupat e Europës, ndryshimet që kanë pësuar skuadrat dhe gjithçka tjetër që lidhet me futbollin shqiptar.
Sigurisht, herë pas herë do të dilet edhe jashtë kufijve, sikurse edhe jashtë futbollit. Panelit të “Pressing” dhe ndjekësve të emisionit nuk do t’i mungojnë analizat e Sulejman Starovës, sikurse edhe batutat. Normalisht ka edhe rivalitet, pasi mbrëmjeve sportive në ABC News nuk do t’i mungojnë as Ermal Tahiri, Nevil Dede dhe Florian Riza, përpos të ftuarve të shumtë.
Në vazhdim do të ketë edhe surpriza, edhe në panel, sikurse edhe moderatori Gerti Çarçani paralajmëron: “Rikthehemi nga sonte mbrëma e në vijim me “PRESSING”, formatin analitiko-sportiv, çdo të hënë dhe të enjte në 22.30.
Skuadra “Pressing” vijon e njëjtë, duke shtuar edhe disa ‘federime’ të fundit të ekipit tekniko-mediatik që do të shoqëroje rrugëtimin e një sezoni të gjatë të futbollit. Startojmë sot në mbrëmje në 22.30, me vigjiljen e ekipit kombëtar, por edhe me prag-kampionatin apo ekipet pas suksesit të parë europian”. /abcnews.al
https://www.instagram.com/tv/CDwfN_aAO92/?utm_source=ig_web_copy_link
