Presidenti rus Vladimir Putin ka mbërritur në Sheshin e Kuq të Moskës për Paradën e Fitores. Parada e Ditës së Fitores tashmë ka filluar, me ushtarët që kanë nisur të marshojnë, duke mbajtur flamuj që përkujtojnë fitoren mbi Gjermaninë naziste në Luftën e Dytë Botërore.
Pas përfundimit të paradës,, Presidenti Vladimir Putin do të mbajë një fjalim drejtuar kombit.
Dita e Fitores shënon fitoren e Bashkimit Sovjetik ndaj Gjermanisë naziste në vitin 1945. Bashkimi Sovjetik kishte humbur rreth 27 milionë qytetarë gjatë Luftës së Dytë Botërore, shumë më tepër se çdo vend tjetër i përfshirë në konflikt.
Si e tillë, është e vështirë të mbivlerësohet rëndësia e ditës për njerëzit e zakonshëm në ish-Bashkimin Sovjetik. Gjatë sundimit të tij, presidenti Vladimir Putin ka kërkuar të përfitojë nga lidhja që rusët kanë për Ditën e Fitores dhe krenarinë që shumë njerëz ende ndjejnë për rolin që BRSS luajti në mposhtjen e Gjermanisë naziste.
Putin ka promovuar idenë e fitores heroike kundër fashizmit dhe e ka përdorur atë për të portretizuar pa bazë luftën e sotme në Ukrainë si një luftë kundër një lloji të ngjashëm kërcënimi.
Festimet e Ditës së Fitores janë një shfaqje e forcës së trupave dhe pajisjeve ushtarake.
Parada e madhe e armëve dhe tankeve që zakonisht zhvillohet në Sheshin e Kuq të Moskës ka qenë prej kohësh një mënyrë për Kremlinin për të treguar armatimin dhe fuqinë më të fundit ushtarake.
/abcnews.al
