Shumë televizione kabllore në rajonin e Odesës shfaqën Paradën e Fitores së sotme në Moskë, shkruan media ukrainase “Strana.ua”.
Mediat ukrainase supozuan se “rusët hakuan sistemin”, dhe autoritetet lokale nuk e shpallën zyrtarisht këtë informacion.
Në videon e shpërndarë nga banorët e rajonit të Odesës, mund të shihni se si të gjitha kanalet po tregojnë paradën. Personi me telekomandë në duar ndryshon kanalet, por secili prej tyre tregon një paradë fitoreje ruse.
Kjo është hera e parë në histori që Ukraina nuk feston zyrtarisht Ditën e Fitores, duke qenë se në qershor 2023, presidenti ukrainas Volodymyr Zelensky nënshkroi një ligj sipas të cilit
9 maji feston “Ditën e Evropës”.
Ukrainasit festuan Ditën e Fitores më 8 maj dhe Zelensky e shpjegoi atë me faktin se “Akti për dorëzimin e pakushtëzuar të Wehrmacht” hyri në fuqi në atë ditë dhe kjo datë festohet nga “shumica e popujve të botës”.
Megjithatë, sot banorët e Ukrainës po kërkojnë për Ditën e Fitores në Google, kjo frazë është më e kërkuara që nga mëngjesi, duke gjykuar nga të dhënat e shërbimit “Google trends”./abcnews.al
