Disiplina nuk fal as ish-“Legjionarin”, gjobë e rëndë edhe për “gjigantët” e Superiores

Shquhet për vendimet e ashpra, të cilët nuk kanë munguas as këtë të premte. Vetëm pak momente më parë, Komisioni i Disiplinës dhe Etikës, në Federatën Shqiptare të Futbollit ka publikuar vendimet e marra, pas shkeljeve të kryeara, në të gjitha kategoritë e federuara të këtij sporti, në vendin tonë, duke filluar që nga moshat dhe amatorët e deri tek elitarët e Superiroes.

Kështu, një gjobë të rëndë kanë marrë “Bardhezinjtë” e Laçit, me tifozët e këtyre të fundit, që hodhën sende në fushë, gjatë përballjes, të së dielës, në barazimin 1 me 1, me “Demat e Kuq”, të Partizanit. Për të njëjtën sjellje janë dënuar edhe “Rrogozhinasit” e Egnatias, me tifozët e tyre, që hodhën sende në fushë në ndeshjen ndaj Kukësit, duke i gjobitur kështu, si “Kurbinasit”, ashtu edhe “Zijeshilët”, me nga 100 mijë lekë të reja.

Të gjobitur rëndë janë edhe “Tigrat Verdheblu” të Elbasanit, të cilët ishin të papërmbajtshëm, në shkallët e stadiumit, në sfidën ndaj Lushnjes, teksa filluan të ofendonin në kor, futbollistin e këtyre të fundit, Endrien Magani, duke “gjobitur” skuadrën e tyre, me 200 mijë lekë të reja, si dhe katër ndeshje pa tifozë.

Ndërkaq, ndëshkimit nuk i ka shpëtuar, as një ish-“Legjionar”, i cili tashmë drejton akademinë e tij të futbollit, “Football Republic”, me Dispilinën, që ka vendosur të pezullojë për 6 muaj nga çdo aktivitet sportiv, Redi Jupin, pasi kishte hedhur në fushën e lojës, një lojtar, që nuk kishte të drejtë të zbriste, në fushën e blertë. /i.m /abcnews.al

Të gjitha vendimet e Komisionit të Disiplinës dhe Etikës:

1. KF Laçi, për sjellje të gabuar të spektatorëve duke hedhur sende në fushën e lojës, në bazë të nenit 17/2/b të KDE, dënohet me gjobë në masën 100.000 (njëqind mijë) lekë.
2. Zyrtari i KF Laçi, Mario Bytyçi, për protestë ndaj vendimeve të zyrtarit të ndeshjes, në bazë të nenit 14/1/c të KDE dënohet me 2 (dy) ndeshje pezullim nga aktiviteti.
3. KF Egnatia, për sjellje të gabuar të spektatorëve duke hedhur sende në fushën e lojës, në bazë të nenit 17/2/b të KDE, dënohet me gjobë në masën 100.000 (njëqind mijë) lekë.
4. AF Elbasani, për sjellje të gabuar të spektatorëve duke fyer lojtarët e ekipit mik në mënyrë të përsëritur si dhe hedhje sendesh në fushën e lojës, në bazë të neneve 6/3/b, 8/1, 13, 17/1 dhe 17/2/e të KDE, dënohet me gjobë në masën 200.000 (dyqind mijë) lekë dhe zhvillimin e 4 (katër) ndeshjeve pa spektatorë. Në zbatim të nenit 76/1/a të KDE, gjoba të aplikohet në masën 50%.
5. KF Vora, për mos marrjen e masave për përmbushjen e detyrimeve dhe rregulloreve të aktivitetit, në bazë të nenit 8/1 të KDE, dënohet me gjobë në masën 50.000 (pesëdhjetë mijë) lekë. Sipas nenit 76/1/a të KDE, gjoba të aplikohet në masën 50%.
6. Luzi i Vogël 2008, për mos marrjen e masave për përmbushjen e detyrimeve dhe rregulloreve të aktivitetit, në bazë të nenit 8/1 të KDE, dënohet me gjobë në masën 50.000 (pesëdhjetë mijë) lekë. Sipas nenit 76/1/a të KDE, gjoba të aplikohet në masën 50%.
7. FK Tomori, për sjellje të gabuar të spektatorëve duke ndezur flakadanë dhe hedhur sende në fushën e lojës, në bazë të neneve 17/2/b dhe 17/2/c të KDE, dënohet me gjobë në masën 100.000 (njëqind mijë) lekë. Sipas nenit 76/1/a të KDE, gjoba të aplikohet në masën 50%.
8. Lojtari i KF Sopoti, Shaqir Jugu, për sjellje te dhunshme lojtarëve kundërshtarë, në bazë të nenit 14/1/h të KDE dënohet me 4 (katër) ndeshje pezullim nga aktiviteti.
9. Zyrtari i KF Sopoti, Fatjon Xhafa, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
10. Zyrtari i KF Shënkolli U-16, Flavio Licaj, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 5 (pesë) ndeshje pezullim nga aktiviteti.
11. Lojtari i Akademia e Futbollit U-17, Samuel Zito, për sjellje josportive ndaj lojtarëve kundërshtarë, në bazë të nenit 14/1/b të KDE dënohet me 2 (dy) ndeshje pezullim nga aktiviteti.
12. Lojtari i KF Laçi U-17, Samuel Biba, për sjellje josportive ndaj lojtarëve kundërshtarë, në bazë të nenit 14/1/b të KDE dënohet me 2 (dy) ndeshje pezullim nga aktiviteti.
13. KF Laçi U-15, për braktisjen e ndeshjes së vlefshme të Kategorisë së Parë U-15, kundër Flamurtari FC U-15, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
14. Lojtari i Troplini Academy U-15, Leonard Muslika, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 5 (pesë) ndeshje pezullim nga aktiviteti.
15. AF Kampionët U-15, për braktisjen e ndeshjes së vlefshme të Kategorisë së Dytë U-15 Grupi D, Zona Rajonale Tiranë, kundër Kamza Sport U-15, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
16. FC Lushnja U-19, për braktisjen e ndeshjes së vlefshme të Kategorisë së Dytë, Ndërajonale U-19, kundër Arena U-19, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
17. Football Republic U-15, për aktivizimin e një lojtari që nuk kishte të drejtë të luante në ndeshjen e vlefshme të Kategorisë së Dytë U-15 Grupi C, Zona Rajonale Tiranë, kundër Dinamo City U-15, në bazë të neneve 19/2 dhe 19/4/a të KDE, humbet ndeshjen në tavolinë me rezultatin 3-0.
18. Zyrtari i Football Republic, Redi Jupi, për aktivizimin e një lojtari që nuk kishte të drejtë të luante, në bazë të nenit 19/4/b të KDE, dënohet me 6 (gjashtë) muaj pezullim nga aktiviteti.
19. Pranimin e kërkesës së kërkuesit Orges Shehi. Klubi i Futbollit Tirana, për dështim në ekzekutimin e vendimit nr. 9, datë 14.12.2023 të Dhomës Kombëtare të Zgjidhjes së Konflikteve, në bazë të nenit 29/1/b të KDE, i jepet një afat paralajmërues prej 30 (tridhjetë) ditësh për të ekzekutuar vendimin.
20. Rrëzimin e kërkesës së lojtarit të KF Oriku, Serxhio Varfi, si të pabazuar në Kodin e Disiplinës dhe Etikës.
21. Rrëzimin e kërkesës së lojtarit të KF Oriku, Erald Kapo, si të pabazuar në Kodin e Disiplinës dhe Etikës.
22. Rrëzimin e kërkesës së lojtarit të KF Vora, Xhuljo Tabaku, si të pabazuar në Kodin e Disiplinës dhe Etikës.
23. Rrëzimin e kërkesës së lojtarit të KF Turbina, Florian Peqini, si të pabazuar në Kodin e Disiplinës dhe Etikës.

Kundër vendimit lejohet ankim brenda 3 (tre) ditëve përpara Komisionit të Apelit.