Kukësi në kaos. Futbollistët e skuadrës verilindorë, sikurse mëson abcnews.al, nuk kanë pranuar të stërviten ditën e sotme, për shkak se nuk janë paguar rregullisht gjatë këtij viti.
Prej disa muajsh në llogaritë e tyre nuk bëhen pagesat sipas kontratave dhe lojtarët kërkojnë që situata të ndryshojë.
Ditën e sotme trajneri Mirel Josa dhe stafi i tij kishin programuar që të stërviteshin prej orës 14:00, por futbollistët nuk kanë pranuar.
Ata janë paraqitur në kompleksin stërvitor dhe kanë preferuar të qëndrojnë pushim. Tashmë ata presin një reagim të presidenti Safet Gjici.
Edhe javën e shkuar te Kukësi pati bojkot, por asgjë nuk ndryshoi. Në këto kushte futbollistët përsëritën bojkotin dhe presin që të paguhen sa më shpejt. /abcnews.al
