Dinamo është një nga klubet më aktivë në merkato në Superiore, megjithëse zyrtarizimet nuk janë aq të shumtë. Po punohet për të sjellë lojtarë me eksperiencë dhe së fundmi është konfirmuar ardhja e një mbrojtësi.
Aleksandar Sofranac është lojtari më i ri i 18 herë kampionëve. Mbrojtësi vjen me parametra zero pas mbylljes së kontratës me malazezët e Sutjeska Niksic, me të cilët luajti dy sezonet e shkuara dhe ishte titullar. 30-vjeçari ka edhe 8 ndeshje me kombëtaren e Malit të Zi.
NJOFTIMI – Aleksandar Sofranac është firma e radhës për Dinamon. Qendërmbrojtësi malazez, me një karriere në disa kampionate si Mali i Zi, Serbi, Bosnje, Kroaci e Belgjikë si dhe pjesë e kombëtares Malazeze, ka nënshkruar sot me blutë e kryeqytetit! /abcnews.al
