Ardian Ismajli debutoi një ditë më parë në Serie A. Mbrojtësi i kombëtares shqiptare u aktivizua në një ditë të veçantë për Juventusin, që festonte 123 vjetorin dhe epërsia e Spezia me çdo kusht duhej përmbysur.
Kështu ndodhi dhe Cristiano Ronaldo shënoi dy prej golave, ndërkohë që ndeshja u mbyll me shifrat 1-4. Ismajli u aktivizua dy minuta nga fundi, që mjaftuan që fotografët ta “kapnin” në duel me yllin portugez të Juventusit.
Ajo foto normalisht më pas është bërë “virale” në rrjetet sociale dhe shumë të afërm të Ismajlit kanë ndjerë një moment krenarie dhe kanë nisur edhe nga urimet. Mes tyre edhe Albiona Ismajli, që nga mbiemri kuptohet që ka ligje gjaku me futbollistin.
“Dikur këtë moment vetëm e ke ëndërruar, e sot gjendesh përballë kësaj ëndrre. Shumë krenar për ty”, shkruan Albiona në postimin e saj, ndërkohë që mbrojtësi e ka shpërndarë edhe vetë në Instagram, sikurse shumë postime të tjera të miqve e të afërmve të tij. / abcnews.al
