Digjen disa banesa në Sarandë/ Zjarri në fshatin Leshnicë e Poshtme mbetet kritike

Zjarri i nisur shtatë ditë më parë në Dhivër ka përfshirë mbrëmë edhe fshatin Leshnicë e Poshtme, ku ka shkaktuar dëme të konsiderueshme materiale, përfshirë djegien e disa banesave. Për shkak të rrezikut të përhapjes së flakëve, është marrë masa e evakuimit të banorëve.

Zjarri vijon të përhapet drejt Leshnicës së Sipërme, ndërsa situata mbetet kritike. Autoritetet dhe forcat zjarrfikëse janë në terren, por përballen me vështirësi për shkak të terrenit të thyer dhe erërave që favorizojnë përhapjen e flakëve. / abcnews.al /