TIRANË-Gjatë tubimit të Partisë Demokratike nën thirrjet “Lironi Berishën” molotovëve të protestuesve të papërmbajtshëm duket se nuk i ka shpëtuar dhe makina e autoambulancës, e cila transportonte drejt spitalit të traumës persona të cilët kishin mbetur të plagosur si pasojë e dhunës së ushtruar në protestë.
Një grup personash janë turrur drejt autoambulancës duke i bllokuar rrugën dhe kanë tentuar t’i shpërthejnë dyert e me pas t’i vënë flakën pavarësisht se brenda saj kishte njerëz të plagosur që duhet të shkonin me emergjencë në spital për të marrë ndihmën e parë mjekësore.
Një akt sa vandal aq edhe i rëndë pasi edhe në marrëveshjet e luftës makinat e ambulancës nuk goditen.
Si pasojë e bllokimit të rrugëve dhe paralizimit të qarkullimit të automjeteve nga protestuesit një nëne e re ka qenë e detyruar të lindë beben e saj në makinë.
Një ngjarje kjo që për fat të mirë nuk pati pasoja.
Nëna bashkë me foshnjën e saj edhe pse me vështirësi arriti të transportohej fillimisht tek trauma dhe me pas është dërguar në maternitet ku ndodhen nën kujdesin e mjekëve dhe jashtë rrezikut për jetën./ abcnews.al
