Një 49-vjeçar ka bërë kallëzim në polici se ishte dhunuar dhe kanosur me armë zjarri nga dy shtetas, në ambientet e karburantit që kishte në pronësi, në Mirditë.
Sipas tij kishin refuzuar të paguanin për furnizimin e automjetit të tyre me karburant.
Shërbimet e Komisariatit të Policisë Mirditë kanë organizuar punën dhe kanë shkuar në vendngjarje. Ndërkohë në kërkim janë shpallur Kristjan Marku (Bashaj) dhe Aleksandër Senaj.
“Pas kallëzimit të një 49-vjeçari, se në ambientet e karburantit që kishte në pronësi, në Mirditë, ishte dhunuar dhe kanosur me armë zjarri, nga 2 shtetas të cilët kishin refuzuar të paguanin për furnizimin e automjetit të tyre me karburant, shërbimet e Komisariatit të Policisë Mirditë kanë organizuar punën dhe kanë shkuar menjëherë në vendngjarje”, thuhet në njoftimin e policisë.
/abcnews.al/
