Barcelona triumfoi 2-3 përballë Betis, duke marrë tre pikët në një fushë tepër të vështirë. Pjesa e dytë ishte plot emocione, teksa nuk mungoi rrjeta e Leo Messit, e 13-ta për këtë sezon në La Liga.
“Pleshti” dërgoi topin në rrjetë pas një ore lojë me një goditje të saktë me të majtën. Kapiteni i Barcelonës ndodhet në formë shumë të mirë, teksa katalanasit siguruan fitoren e gjashtë radhazi larg “Camp Nou”.
?? Y dicen que cobro mucho, la put* que los parió… pic.twitter.com/Reoa40gHRj
— Diario Olé (@DiarioOle) February 7, 2021
E përditshmja argjentinase, Ole nuk e ka kursyer ironinë dhe thumbimet ndaj klubit katalanas: dhe thonë që kam page tepër të lartë, bijtë e kurvës qe i ka lindur. Disa ditë më parë u zbulua edhe paga faraonike që ka siguruar Leo Messi nga rinovimi i fundit me klubin katalanas (2017).
Mbi 555 milion euro është shuma e përfituar nga ylli argjentinas në kontratën e nënshkruar me Josep Maria Bartomeun, ish-presidentin e Barcelonës, i cili më pas u kthye në armikun e kapitenit.
Akordi parashikon një rrogë sezonale prej 139 milion eurosh për 33-vjeçarin. 115 milion euro i ka përfituar në momentin e nënshkrimit të kontratës, teksa rreth 78 milion të tjera si “bonus besnikërie”. /abcnews.al
