Franca do të jetë në gjendje t’u japë statusin e refugjatit ushtarëve rusë që refuzuan të luftojnë në Ukrainë, sipas doktrinës së miratuar sot nga Gjykata Kombëtare e Azilit (CNDA), organi i specializuar administrativ francez që shqyrton kërkesa të tilla.
Në të njëjtën kohë, megjithatë, CDNA hodhi poshtë kërkesën e një rusi që e deklaroi veten dezertor, duke konsideruar se deklaratat dhe provat që ai paraqiti nuk vërtetonin se ai ishte rekrutuar për të luftuar në Ukrainë.
“Rusët që ikin për të shmangur rekrutimin dhe dezertuesit e rekrutuar mund t’u jepet statusi i refugjatit, duke pasur parasysh se një shtetas rus i rekrutuar në këtë kontekst mund të kryejë krime lufte,” tha gjykata franceze në arsyetimin e saj.
Ky vendim është i pari në Francë në lidhje me dezertorët rusë. Ai bazohet në një direktivë evropiane të datës 13 dhjetor 2011 dhe në një vendim të Gjykatës së Drejtësisë së BE-së të datës 26 shkurt 2015.
