Autori i plagosjes që ndodhi ditën e djeshme në Tiranë vijon të jetë në kërkim.
Ndërkohë, policia ka arrestuar vëllanë e tij, Dorjan Ostreni pasi ka fshehur provat, gëzhojën dhe DVR e kamerave te sigurisë.
Ndër të tjera mësohet se autori është përdorues i lëndëve narkotike.
Ngjarja dyshohet se ka ndodhur pas një konlfikti të çastit, pasi personat e përfshirë kanë qenë duke luajtur me letra në shtëpinë e autorit, ku ka dy kamera sigurie që kanë filmuar pamjet, por janë marrë nga vëllai i autorit dhe janë fshehur.
Po ashtu, është marrë në polici makina tip “Audi A3”, për t’u këqyrur pasi ishte e mbyllur dhe do të verifikohet nëse në të ka sende të kundraligjshme.
Në banesën e autorit janë gjetur edhe rreth 50 fishekë 9mm dhe 10 gr lënde narkotike kokainë
Si ndodhi ngjarja
Mbrëmjen e djeshme në rrugën “Tasim Shehu” 49-vjeçari Albert Ostreni plagosi 23-vjeçarin Ronaldo Mejdani.
23-vjeçari u dërgua menjëherë në spital për të marrë ndihmën mjekësore, ndërsa Drejtoria Policisë Elbasan, vendsoi një patrulle postoblloku në hyrje të qytetit të Elbasanit në rreth rrotullimin e Bradasheshit për të kapur autorin. /abcnews.al
