Janë publikuar detaje në lidhje me 21 të infektuarit me Covid-19 që janë konfirmuar gjatë 24 orëve të fundit, në qytetin e Durrësit.
Mësohet se 14 prej tyre, janë zbuluar nga hetimi epidemiologjik dhe janë kontakte të rasteve të mëparshëm, që kanë rezultuar të infektuar me Covid-19.
Gazetari Leonidha Musaj raporton për abcnews.al se shtatë personat e tjerë, nuk dihet ende se ku mund ta kenë marrë, pasi në rreth e tyre nuk është gjetur asnjë i konfirmuar pozitiv me koronavirus, gjithsesi vijon hetimi epidemiologjik për këto raste.
Sakaq, numri i viktimave nga Covid-19 në Shqipëri ka shkuar në 250.
Gjatë 24 orëve të fundit humbën betejën me koronavirusin edhe pesë pacientë të tjerë, ndërkohë që u konfirmuan 152 raste të reja. /abcnews.al
