Sergio Ramos është një simbol i Real Madrid dhe ëndërron të mbyllë karrierën në “Santiago Bernabeu”. Kapiteni i përfundon kontrata në verën e vitit të ardhshëm dhe rinovimi i tij është një nga çështjet kryesore te “Los Blancos”.
Gjithsesi, palët nuk po arrijnë të bien dakord. Qendërmbrojtësi kërkon një rinovim me të paktën dy vite të tjera sipas citimeve të AS. Spanjolli feston sot 34-vjetorin e lindjes dhe shpreson të luajë deri në moshën 37-vjeçare.
Opsion që bie ndesh me politikat e klubit. Florentino Perez e ka bërë të qartë se për lojtarët në moshë ka rinovime me vetëm një vit. Ramos është pjesë e Real Madrid prej vitit 2005 dhe të gjithë tifozët presin që presidenti të bëjë një përjashtim për të. /abcnews.al
