Ministria e Arsimit njoftoi mbylljen e shkollave përgjatë tre ditëve të para të javës së ardhshme për shkak të kushteve të vështira atmosferike. Në një postim në rrjetin social Facebook, ministrja Evis Kushi tha se orët e humbura pritet të zëvendësohen në vijim sipas një koordinimi që do të bëhet me zyrat arsimore përkatëse.
Vendimi i Ministrisë së Arsimit për të mbyllur shkollat për tre ditë vjen për shkak se pritet një ulje e ndjeshme e temperaturave duke filuar nga kjo fundjavë deri në mesin e javës së ardhshme.
Siç raportohen edhe stacionet meteorologjikë rajonale, pritet që temperaturat në Shqipëri të zbresin deri në -18 gradë Celsius në zona si Bulqiza apo Puka, ndërsa termometri në Tiranë pritet të zbresë deri në -8 gradë Celsius.
Termometri pritet të zbresë afër zeros edhe në zonat bregdetare si Durrësi, ndërsa në Vlorë priten temperature deri në -1 gradë Celsius.
Kulmi i temperaturave të ulta pritet të jetë dita e hënë. /abcnews.al
