Ajo që kishin frikë tifozët e Liverpool tashmë ndodhi. Virgil Van Dijk do të mungojë të paktën për gjashtë muaj. Mbrojtësi holandez i “The Reds” u dëmtua në derbin kundër Everton dhe do të operohet në gju, pasi ka këputur ligamentin. Kështu konfirmohet ajo çka dyshohej dhe me shumë mundësi rrezikon edhe ta ketë mbyllur sezonin.
Mesazhet në drejtim të gjigantit të mbrojtes ishin të shumta, ku nuk ka munguar dhe një nga shoku i tij tek Holanda, Memphis Depay. Kapiteni i Lyon ka bërë para pak minutash një postim në “Instagram”, pikërisht për Van Dijk dhe i uron atij shërim sa më shpejtë.
https://www.instagram.com/p/CGhZzd4BAY1/?igshid=blmsccf1i8o7
“I mërzitur dhe u emocionova kur dëgjova lajmin për dëmtimin tënd. Gjithsesi përmes dhimbjes dhe luftës ne do ta gjejmë rrugën drejt suksesit. Zoti nuk bën gabime dhe ai ka qenë me ty që nga fillimi. Ti do ta kalosh dhe këtë miku im. Kur të kthehesh do t’i tregosh të gjithëve se sa i fortë je. Të gjithë jemi me ty gjigant”, shkruan sulmuesi krahas fotos. /abcnews.al
