Amir Abrashi është dëmtuar gjatë grumbullimit me kombëtaren dhe do të mungojë për katër javë.
Ky është lajmi që vjen nga klubi i mesfushorit shqiptar, Grasshopper. Zviceranët shkruajnë se Abrashi ka një problem muskulor.
Kështu ai humbet sfidën e nesërme që Shqipëria luan në “Elbasan Arena” kundër San Marino. Edhe vetë trajneri Reja e konfirmoi dëmtimin e tij në konferencën e zakonshme për shtyp në prag të ndeshjes.
Veç Abrashit, për shkak të pezullimit me kartonë të verdhë italiani nuk do të ketë as mesfushorin tjetër, Klaus Gjasula. Lajm i mirë është rikthimi i Bares, apo edhe i Manajt e Hysajt që munguan kundër Hungarisë./ abcnews.al
