SHQIPËRI- Ambasadori serb thirret nga Ministria për Evropën dhe Punët e Jashtme të Shqipërisë për të dhënë sqarime për deklaratat e zv. Kryeministrit, Aleksandër Vulin, i cili tha të hënën se “vetëm bota serbe e ndal Shqipërinë e Madhe”.
Këto deklarata Vulin i bëri, pas takimit të Ramës me diasporën shqiptare në Greqi, duke kërkuar bashkëpunimin me palën greke.
Ministria e Jashtme i cilëson këto veprime provokuese të cilat nuk i shërbejnë paqes dhe stabilitetit në vendet e Ballkanit dhe kërkon reflektim të menjëhershëm për deklarata të tilla të përsëritura nga zyrtarët serbë.
“Ambasadori i Serbisë, Slobodan Vukčević është thirrur dje në Ministrinë për Evropën dhe Punët e Jashtme, ku iu kërkuan sqarime në lidhje me deklaratat që zv. Kryeministri Vulin ka bërë, referuar vizitës dhe takimit të Kryeministrit Rama me diasporën shqiptare në Greqi.
Deklarata provokuese e zyrtarit serb është në kundërshtim me frymën e marrëdhënieve të bashkëpunimit dhe nuk i shërben paqes dhe stabilitetit në vendet e Ballkanit. Shqipëria është faktor i rëndësishëm që punon dhe kontribuon për paqen dhe sigurinë në rajonin tonë dhe kjo është në thelb të bashkëpunimit edhe me Serbinë”
Në takimin historik të së dielës në Athinë u bënë bashkë rreth 20 mijë shqiptarë.
Reagimi i MEPJ:
Ambasadori i Serbisë, Slobodan Vukčević është thirrur dje në Ministrinë për Evropën dhe Punët e Jashtme, ku iu kërkuan sqarime në lidhje me deklaratat që zv. Kryeministri Vulin ka bërë, referuar vizitës dhe takimit të Kryeministrit Rama me diasporën shqiptare në Greqi.
Deklarata provokuese e zyrtarit serb është në kundërshtim me frymën e marrëdhënieve të bashkëpunimit dhe nuk i shërben paqes dhe stabilitetit në vendet e Ballkanit. Shqipëria është faktor i rëndësishëm që punon dhe kontribuon për paqen dhe sigurinë në rajonin tonë dhe kjo është në thelb të bashkëpunimit edhe me Serbinë.
MEPJ pret reflektim të menjëhershëm, në mënyrë që deklarata të tilla të dëmshme, të përsëritura të mos ndikojnë në marrëdhëniet tona, të cilat duhet të jenë të orientuara drejt fqinjësisë së mirë dhe integrimit evropian./ abcnews.al
