Nevil Dede, i ftuari i zakonshëm në Pressing, ka folur për listën e lojtarëve të grumbulluar nga Reja, duke dhënë analizën e tij. Mes të tjerash, trajneri i Shqipërisë U-19 u shpreh:
“Shihet qartë që Reja po tenton të rinovojë skuadrën. Skuadra nuk është e rinovuar komplet. Sulmuesit po shkojnë nga 30-vjeç. Lojtarët nuk i ka gjetur Reja, i ka gjetur sistemi. Objektiv ka vendin e parë në Nations League.
I ka kundërshtarët më të dobët, duhet të dalim të parët dhe të rinovojmë skuadrën. Rinovimi nuk bëhet me thikë, por gradualisht. Reja ka marrë dy lojtarë të datëlindjes 2002 nga moshat e Italisë, po lobon fort aq fort kundër Italisë për t’i sjellë lojtarët Shqipërisë./abcnews.al
