Declan Rice, ylli i West Ham United që kërkohet nga shumë klube të mëdha, ishte një nga më të mirët në fushë në fitoren që arritën kundër Gjermanisë. Kualifikimi i Anglisë në çerekfinale të EURO 2020 e gëzon atë.
Mes të tjerash mesfushori u kundërpërgjigjet kritikëve dhe mosbesuesve, si dhe flet për shanset e mëdha që kombëtarja e “Tre Luanëve” ka për t’i shkuar deri në fund këtij kompeticioni, sigurisht pa fluturuar para kohe.
“Është e pabesueshme, shumë njerëz na kishin eliminuar që në fazën e grupeve. Donim t’ua tregonim njerëzve që e kishin gabim. Me shtëpinë të mbushur plot kishim zjarr brenda nesh për ta eliminuar Gjermaninë dhe për të kaluar tutje”.
Më pas Rice mori në mbrojtje sulmuesi e skuadrës: “Raheem Sterling po ua provon shumë njerëzve që gabojnë me të, duke shënuar shumë gola. Harry Kane gjithashtu krijon shumë raste, ai shënoi edhe golin që na qetësoi”.
“Shanset për të fituar EURO 2020? Nuk duam të fluturojmë para kohe. Në Romë kemi një ndeshje të rëndësishme (kundër Suedisë ose Ukrainë) të shtunën. Sot ishim të gjithë bashkë, tifozët dhe lojtarët. Ne vërtetë besojmë, veçanërisht për faktin që finalja luhet në Wembley”, ka deklaruar Rice. / abcnews.al
