Kandidati demokrat për zëvendëspresident, guvernatori i Minesotës, Tim Walz, dhe rivali i tij republikan, senatori i Ojos, J.D. Vance, do të kenë debatin e tyre të parë dhe të vetëm televiziv përpara zgjedhjeve presidenciale në SHBA të martën.
Debati mes Walz, i cili është kandidati për zëvendëspresident i Kamala Harris, dhe Vance, i cili është në listën e republikanit Donald Trump, do të fillojë në orën 21:00 me orën lokale në rrjetin televiziv CBS (CBS) dhe do të zgjasë 90 minuta, raporton AP.
Debati i cili do të mbahet në Nju Jork, do të moderohet nga “CBS Evening News” Nora O’Donnell dhe “Face the Nation” Margaret Brennan.
Walz dhe Vance do të takohen personalisht për herë të parë dhe të dy zyrtarët janë duke u përgatitur tërësisht për debatin.
Kandidatët do t’i bëjnë pyetje njëri-tjetrit në kohë reale dhe të dyja palët kanë rënë dakord që mikrofonët të qëndrojnë të ndezur derisa kandidati kundërshtar është duke folur, gjë që nuk ka ndodhur gjatë dy debateve për kandidatët presidencialë.
Secili prej kandidatëve do të ketë dy minuta për të bërë një deklaratë përmbyllëse dhe Vance fitoi në një hedhje virtuale të monedhës për të folur i fundit.
Audienca nuk do të jetë e pranishme gjatë debatit. Tani për tani, nuk është planifikuar asnjë debat shtesë për kandidatët presidencialë apo nënpresidentë, por kjo gjithmonë mund të ndryshojë, sipas AP./abcnews.al
