Komisioni i Ligjeve ka nisur me debate të forta mes mazhorancës dhe opozitës, për sa i përket Hartës së re Gjyqësore.
Kryetarja Klotilda Bushka i kërkoi deputetit demokrat Gazment Bardhit të mos ndërhyjë në fjalën e të tjerëve, ndërsa kjo nuk është pritur mirë nga pjesa tjetër e opozitës që kanë ndërhyrë kundër Bushkës.
Ministri i Drejtësisë Ulsi Manja ka bërë me dije se shumë shpejt disa seanca gjyqësore do të zhvillohen online. Ai tha se nisur nga stoku i dosjeve në gjykata, kanë marrë eksperienca nga vendet europiane që palët t’i drejtohen seancave gjyqësore pa qenë të pranishëm fizikisht.
Pjesë nga debati:
Dhurata Çupi: Nuk jemi në riedukim
Klotilda Bushka: Silluni sikur nuk jeni në kafe, në një vend ku flasin me radhë
Gazment Bardhi: Ty ta mori ministri fjalën dhe nuk ndërhyre
Klotilda Bushka: Nëse doni ta ktheni në kor, unë e mbyll dëgjesën se nuk keni interes, doni të bëni zhurmë! Bardhi do pushoni, apo ta ndërpres mbledhjen
Dhurata Çupi: Ca është kjo mi, ca po bën këtu ti.
/abcnews.al/
