Manchester City zbriti dje për herë të parë në fushë për këtë sezon dhe djemtë e Guardiolës nuk zhgënjyen, pasi fituan me rezultatin 1-3 në transfertën e Wolves. Kevin De Bruyne ishte një nga më të mirët në fushë dhe mesfushori arriti të shënojë golin e parë të sfides si dhe dhuroi asistin e golit të tretë për Gabriel Jesus.
Belgu është shprehur shumë i lumtur për tre pikët, por nuk i pëlqen që të krahasohet me atë çfarë ka bërë David Silva për Manchester City. “David Silva është një lojtar i kalibrit botëror. Unë nuk mund ta rikrijoj atë që ai ka bërë për ne. Ajo çka mund të bëj unë është që të ndihmoj ekipin me aq sa mundem. Të gjithë ne duhet të japim maksimumin në çdo ndeshje.
Sigurisht që do jetë e vështirë, pasi David ishte një mjeshtëe i zonave të ngushta. Megjithatë ne kemi lojtarë të tjerë që kanë aftësi shumë të mira në atë pozicion. Gjithsesi mungesa e tij do të jetë si brenda dhe jashtë fushe. Unë jam një mesfushor, por në ditët e sotme kanë shumë rëndësi statistikat. Në çdo ndeshje përpiqem të kontriboj në një mënyrë apo në një tjetër, për të arritur tek fitorja”, janë fjalët e De Bruyne. /abcnews.al
