“Dardanët” pushtojnë botën/ Ditë të shkëlqyera të futbollit të Kosovës në këtë sezon

Nuk po flasim vetëm për një fitore. Futbolli i Kosovës padyshim që po përjeton ditët e tij më të mira që kur u pranua në arenën ndërkombëtare, në UEFA e FIFA në 2016.

Ekipi përfaqësues I dardanëve arriti fitoren e madhe në fushën e Suedisë në stadiumin e Goteborgut, duke qenë tani shumë më pranë plej ofit të Kupës së Botës, pra ekziston shpresa për të qenë në finalet e mëdha në Amerikën e Veriut vitin e ardhshëm.

Kosova ndoqi gjurmët e Shqipërisë që fitoi 1-0 derbin me Serbinë në Leskovac, ndërsa autor i golit ishte Fisnik Asllani.

Gjithsesi, “dardanët” e rritur nuk janë të vetmit që po lumturohen këto ditë.

Edhe “dardanët” e rinj, pra Kosova U21, ka rezultate të rëndësishme.

Pasi barazuan pa gola me Gjermaninë, e po ashtu në Rumani e Maqedoni të Veriut, e pas humbjes normale ndaj Spanjës, Shpresat kosovare dhanë goditjen e radhës.

Fitorja ndaj moshatarëve të San Marinos ishte 7-0, dhe djemtë rinj bënë të gjithë shenjën e shqiponjës në festim.

Sidoqoftë, sinjalet për këtë vjeshtë me fitore u dhanë që në verë, dhe pastaj me nisjen e Ligës së Konferenncës.

Drita e Gjilanit ndoqi gjurmët e Ballkanit të Ilir Dajës duke u kualifikuar për fazën e grupeve, e madje ka marrë edhe pikë./abcnews.al