Në orën 20:45, në mitikun e Prishtinës, “Fadil Vokrri”, “dardanët” e Ballkanit të udhëhequr nga tekniku Ilir Daja do të përballet ndaj skuadrës nga Gjibraltari, Lincol Red Imps, në sfidën e parë të vlefshme për fazën e tretë kualifikuese të Conference League.
Përsa i përket formacioneve, tekniku Daja i ka rreshtuar “dardanët” e tij, me formulën e zakonshme 4-3-3, ku në portë është pozicionuar Koliçi. Në krahët e mbrojtjes janë vendosur Thaqi e Trashi, ndërsa qendra mbulohet nga Dellova e Jashanica. “Dirigjimi” i lojës në mesfushë i është besuar treshes Kryeziu-Kuc-Zyba, ndërsa “tridenti” i sulmit është plotësuar nga Korenica, Berisha e Gripshi.
Në krahun tjetër, tekniku Javier Munoz i ka rreshtuar djemtë e tij me rreshtimin 4-3-3, ku në portë është pozicionuar Coleing e para tij Nano, Bernardo Lopes, Sergeant e Ibrahim Ayew. Në mesfushë janë vendosur Mandi, Yahaya e Walker, ndërsa sulmi përbëhet nga treshja Britto-Kike Gomez-Juampe. /i.m /abcnews.al
Formacionet zyrtare:
