Danilo D’Ambrosio realizoi golin e fitores së çmendur 4-3 që arriti Interi përballë Fiorentinës në “San Siro”. 32-vjeçari italian ndihet i lumtur për tre pikët e para dhe golin e tij, teksa vlerëson karakterin e shokëve të skuadrës në prononcimin e dhënë pas ndeshjes.
“Fitorja është gjithmonë e rëndësishme, pavarësisht faktit që ishte vetëm ndeshja e parë e jona në kampionat. Bëjmë gjithçka për të triumfuar pa vuajtur, por takimi i sotëm nisi shumë keq për ne.
Gjithsesi, ky ekip tregoi edhe njëherë se di të luftojë dhe ka një forcë të madhe. E donim fitoren me çdo kusht dhe ia dolëm të përmbysim rezultatin. Goli im? Përpiqem gjithmonë të jap 100% nga vetja kur zbres në fushë, nëse vjen ndonjë gol jam edhe më i lumtur.
Sezonin e kaluar e mbyllëm me një pikë më pak se Juventusi, mbërritëm në gjysmëfinalen e Kupës së Italisë dhe në finalen e Europa League. Sivjet duam të përmirësohemi është më shumë“, deklaron anësori i djathtë. /abcnews.al
