Loading ...
Arsene Wenger ka publikuar autobiografinë e tij dhe në të nuk ka shkruar asgjë për Jose Mourinho. Trajneri portugez u ngacmua për këtë dhe dha një përgjigje epike, ndërkohë që së fundmi edhe francezi ka thënë fjalën e tij.
“Nuk më shqetëson. Me të je gjithë kohën u provokuar. Ndihem sikur jam në një çerdhe fëmijësh, por ajo mënyrë sjelljeje është pjesë e karakterit të tij”, është shprehur Wenger, i cili drejtoi për më shumë se 20 vite skuadrën e Arsenalit.
“Ai e ka gabim, e kemi mundur atë dy herë. Ne fituam, gjithashtu pati edhe shumë barazime. Dhe nuk je ‘ti’ që fiton, ju jeni pjesë e fitores. Është ‘ne’ fitojmë. Trajneri është aty për të marrë maksimumin nga një ekip”, ka thënë ndër të tjerë tekniku për Canal+.
Arsène Wenger claps back at José Mourinho claiming that the Frenchman didn't put him in his book because he never beat him:
"With him it's constant provocation. I feel like I am at kindergarten, but that is part of his personality." (C+)
— Get French Football News (@GFFN) October 18, 2020
ÇFARË THA MOURINHO – “E thjeshtë, Wenger nuk më ka mposhtur kurrë, ky është shkaku pse nuk më ka përmendur në autobiografinë e tij. Nuk ka fituar asnjë prej 12-14 ndeshjeve që kemi qenë përballë, si mund të më dedikojë një kapitull?
Pse duhet të flasë për mua në librin e tij? Libri është diçka që duhet të sjellë lumturi, është diçka që të bën krenar, kështu që e kuptoj situatën në mënyrë të përsosur“, shprehej “Special One” disa ditë më parë, pasi gazetarët e ngacmuan në konferencën shtypi. /abcnews.al
