Cristiano Ronaldo ka thyer heshtjen pas eliminimit nga Euro 2020. Humbja 1-0 me Belgjikën e nervozoi dhe e ka mërzitur pafund, por sulmuesi i Juventusit është qetësuar disi dhe ka reaguar me një postim në “Instagram”.
“Nuk arritëm rezultatin që prisnim dhe u larguam nga kompeticioni më herët sesa pritej. Por ne jemi krenarë për rrugëtimin tonë, dhamë gjithçka për t’u konfirmuar kampionë Evrope dhe treguam se mund t’u japim gëzim portugezëve.
View this post on Instagram
Tifozët tanë kanë qenë të palodhshëm duke na mbështetur nga fillimi në fund. Vrapuam dhe luftuam për ta, për të qenë në lartësinë e besimit që na dhuruan. Nuk ishte e mundur të arrinim atje ku donim të gjithë, por duam t’i falënderojmë sinqerisht.
Urime Belgjikës dhe fat të mbarë të gjithë skuadrave të tjera që ndodhen ende në garë. Sa për ne, do të kthehemi edhe më të fortë. Forca Portugalia“, përfundon statusi i goleadorit 36-vjeçar. /abcnews.al
