Covid, protesta kundër mbylljes së vendit në Holandë

Mijëra njerëz u mblodhën për të protestuar në Amsterdam kundër masave shtrënguese të vendosura nga qeveria, për të frenuar përhapjen e Covid.  Megjithatë, rregullat ndaluese të vendosura nga Kryebashkiaku i kryeqytetit të Holandës, nuk shërbyen për asgjë.

 

Një grup njerëzish me maska të bardha ka protestuar duke mbajtur në dorë pankarta ku shkruhej: “Nuk bëhet fjalë për virus, por për kontroll”. Në një tjetër pankartë shkruhej: “Më pak shtypje, më shumë përkujdesje”. Sakaq, nuk munguan përplasjet mes protestuesve dhe policisë.

Në përleshjet mes policisë dhe protestuesve u arrestuan 30 persona. Policia ka përdorur shkopinj gome ndaj protestuesve, me qëllim shpërndarjen e tyre. Mediat holandeze kanë raportuar se nga dhuna ka pasur edhe të plagosur.

Holanda iu rikthye mbylljes së vendit me datë 19 Dhjetor, duke mbyllur pjesën më të madhe të dyqaneve, me përjashtim të dyqaneve thelbësorë, si farmacitë dhe marketet e ushqimeve. Kjo mbyllje do të qëndrojë në fuqi deri me datë 14 janar.

/abcnews.al