Jo vetëm ndeshje të nivelit amator të ndaluara. Situata në Itali me Coronavirus është kthyer në shqetësuese, pasi numri i personave të prekur ka ardhur në rritje. Ka pasur edhe të vdekur dhe normalisht edhe futbolli është prekur.
Në zonën e Lombardisë janë anuluar më shumë se 40 ndeshje. Madje edhe në Serie A dhe gjithçka është e konfirmuar. Një prej ndeshjeve të anuluara është ajo mes Interit dhe Sampdorias.
Edhe ndeshjet e dy ekipeve të shqiptarëve janë shtyrë. Atalanta e Berat Djimsiti nuk do të përballet me Sassuolo sot, sikurse edhe Hellas Verona e Kumbullës dhe Rrahmanit do të duhet të presë se kur do ta luajë takimin me Cagliari. / abcnews.al
