Shumë prej medieve e lidhën Conten me stolin e Real Madrid, por në fund spanjollët zgjodhën një tjetër italian, Carlo Ancelottin dhe ish-tekniku i Interit po shqyrton të tjera oferta.
Nga Italia bëjnë me dije se Conte është në tratativa konkrete me londinezët e Tottenham. Gazetari Fabrizio Romano bën me dije aktualisht po diskutohen kushtet dhe gjatësia e kontratës.
Gjithashtu, Tottenham është kujdesur t’i shpjegojë projektin trajnerit italian në lidhje me lojtarët që pritet të vijnë. Ndërkohë një tjetër italian ka marrë ofertë nga londinezët, këtë herë për rolin e drejtorit sportiv.
Fabio Paratici la Juventusin këtë verë dhe është pa një punë për momentin. Tottenham ka bërë ofertën e saj konkrete dhe prej ditësh po pret përgjigjen e ish-juventinit. /abcnews.al
