Kanë përfunduar 3 nga 4 sfidat e mbrëmjen në kompeticionin më të ri për klube në Evropë, UEFA Conference Leauge, me favoritët që nuk kanë zhgënjyer dhe kanë vazhduar rrugën e tyre drejt çerek-finaleve të këtij kompeticioni.
Fiorentina ka “përmbysur” gjithçka në “Artemio Franchi”, teksa kanë arritur të triumfojnë pas 2 golave të shpejtë të shënuar nga Braga në minutat 17’ dhe 34’ me autorë portugezin Andre Castro dhe spanjollin Alvaro Djalo.
“Kthesën” e nisi Mandragora, ku pas një asisti perfekte të italianit Giacomo Bonaventura gjeti rrugën e rrjetës duket ngushtuar diferencën në 1 me 2, që në minutën e 37’. Goli i 2-të erdhi sërsish nga këmbët e Bonaventuras, i cili shtroi kësaj radhe një pasim perfekt për Riçardo Saponaran, i cili barazon shifrat. Ndërsa, për përmbysjen e madhe mendon sërish Bonaventura, ku kësaj here gjen këmbën e brazilianit Arthur Cabral, me këtë të fundit që plotëson “kthesën” e madhes të “violave” dhe hipotekon “biletën” çerek-finale.
Një tjetër përmbysje vjen nga Zvicra, me skuadrën e Basel që ka triumfuar me rezultatin 2 me 0 ndaj turqve të Trabzonspor, duke mos e llogaritur fare humbjen minimale 1 me 0, në tokën turke. Dy gola ishin të mjaftueshëm për zvicerianët, ku fillimisht shënoi Zeki Amdouni në minutën e 13’-të, ndërsa “vulën” fitores ja vuri zviceriani me origjinë shqiptare, Andi Zeqiri, i cili dënoi turqit në minutën e 76’-të.
Fitorja e radhës vjen nga Polonia, me vendasit e Lech Poznan, që mundën në “Stadion Mijeski”, norvegjezët e Bodo/Glimt, me rezultatin minimal 1 me 0. Gjithçka u vulos nga 1 gol i “bomberit” suedez, Mikael Ishak, në minutën e 63’-të, gol ky që i çon polakët e Lech Poznan, në fazën çerek-finale, të UEFA Conference League. /i.m /abcnews.al
Rezultatet e përgjithshme:
Basel 2-0 Trabzonspor
Z. Amdouni 13′
A. Zeqiri 76′
Lech Poznan 1-0 Bodo/Glimt
M. Ishak 63′
Fiorentina 3-2 Braga
R. Madragora 37′ A. Castro 17′
R. Saponara 58′ A. Djalo 34′
A. Cabral 83′
