Qeveria ka një vlerësim tepër optimist për ecurinë ekonomike gjatë këtij viti.Në një kohë që ekonomia shqiptare është e përfshirë në një krizë për shkak të rritjes së çmimeve të cilat kanë shkaktuar një inflacion prej 7,5% , në parashikimet e fundit Ministria e Financave ka përcaktuar se rritja ekonomike për vitin 2022 do të jetë 4,1%.
Kjo shifër është pothuajse dyfish më e lartë se ajo që vlerëson Fondi Monetar Ndërkombëtar.
Në raportin e fundit ky institucion thekson se ecuria ekonomike e Shqipërisë do preket nga kriza e çmimeve dhe ka vlerësuar se rritja ekonomike do të jetë vetëm 2%.
Ngadalësim të ecurisë ekonomike kanë bërë edhe institucione të tjera ndërkombëtare si Banka Botërore apo Banka e Shqipërisë. Në projeksionet e buxhetit 2023-2025 rritja ekonomike parashikohet në normën 4.1 përqind në vitin 2022 dhe mesatarisht 4 përqind në vit përgjatë periudhës afatmesme 2023-2025. Më specifikisht, rritja ekonomike parashikohet në 4.2, 3.9 dhe 3.9 përqind respektivisht për vitet 2023, 2024 dhe 2025.
Qeveria ka parshikuar të ulë borxhin publik nga 80,1% që është akualisht në 74.6 përqind të PBB deri në vitin 2025 nga rreth 80.1 përqind që pritet të rezultojë në 2021.
Pritshmëritë janë pozitive lidhur edhe me konsumin, i cili të paktën për vitin 2022 është vënë nën presion nga normat shumë të larta të inflacionit.
RRITJA EKONOMIKE GJATE 2022
FMN 2%
BB 3,2%
BERZH 3.3%
BSH 3,5%
/abcnews.al
