Çmimi i naftës arriti nivelin e tij më të lartë në shtatë vjet ditën e martë, pasi tregtarët shqetësoheshin se një sulm në një objekt magazinimi të karburantit në Lindjen e Mesme mund të ndikonte në furnizim. Një sulm i dyshuar me dron nga rebelët jemenas Houthi në Emiratet e Bashkuara Arabe hodhi në erë tre cisterna karburanti.
Një koalicion i udhëhequr nga Arabia Saudite u kundërpërgjigj me sulme ajrore në kryeqytetin e Jemenit, Sanaa, duke vrarë deri në 20 njerëz. Rritja e çmimit të naftës gjithashtu mendohet të jetë pjesërisht për shkak të optimizmit në rritje për një rimëkëmbje të shpejtë ekonomike globale nga pandemia e koronavirusit, e cila do të rriste kërkesën për lëndët djegëse fosile. Shqetësimi për sulmet ndaj shtetit të pasur me naftë dhe pritjet për një rritje të kërkesës, i çoi çmimet në nivelin e tyre më të lartë që nga tetori 2014 raporton “BBC”.
Nafta e papërpunuar Brent, e cila është standardi ndërkombëtar për çmimet e naftës, u rrit pothuajse me 1% duke arritur në 87.22 dollarë për fuçi. Rritja e çmimeve ishte edhe më e madhe në SHBA, ku “West Texas Intermediate” e rriti me 1.3% çmimin duke arritur në 84.89 dollarë për fuçi. Kudo në botë ka pasur shqetësime se rritja e kostos së naftës mund të kontribuojë më tej në një shtrydhje të kostos së jetesës.
Drejtori i investimeve të “AJ Bell”, Russ tha se “tregtarët po shikojnë vlerën 100 dollarë për fuçi për naftën bruto për herë të parë që nga viti 2014, me kërcënimin e perceptuar zvogëlues të paraqitur nga Omicron për ekonominë globale dhe kufizimet e furnizimit dhe ndërprerjet që i çojnë gjërat e zeza më lart”. Ai tha gjithashtu që “Një rritje e çmimeve të naftës në nivelin më të lartë të shtatë viteve dhe një rritje e vazhdueshme, megjithëse nën inflacionin, në të ardhurat e Mbretërisë së Bashkuar ka vënë sërish në qendër të vëmendjes presionet inflacioniste dhe krizën e kostos së jetesës”. / abcnews.al
