Alexis Sanchez u huazua te Interi në këtë verë, nga skuadra e Manchester United. Te “Djajtë e Kuq”, Sanchez përfitonte një rrogë faraonike dhe nuk aktivizohej pothuajse fare, çka solli dhe largimin e tij.
Interi nuk pranoi kurrsesi të paguajë rrogën e çmendur të Sanchez dhe është ende Manchester United që paguan shumicën e rrogës së lojtarit.
Sanchez përfiton 21 milionë sterlina nga kontrata e tij me Manchester United, por pas huazimit të tij, Interi i paguan 4.5 milionë në sezon, ndërsa United 16.5 mln.
Për referencë, ekipi i Premier League, Sheffield United, paguan të gjithë ekipin 14 milionë sterlina në sezon. Për më tepër, ekipi surprizë që u ngjit këtë sezon në elitën e futbollit anglez, renditet më lart se Manchester United në tabelë./abcnews.al
