Forcat e Ndërhyrjes së Shpejtë kanë ndërhyrë duke spostuar protestuesit në rrethrrotullimin e Bradasheshit, duke lejuar kalimin e automjeteve që prisnin në rradhë prej më shumë se dy orësh.
Më herët, pati tensione mes policisë dhe protestuesve, pasi këta të fundit kërkuan largimin e saj.
“Protestuesit kërkojnë të largojnë policinë ndërkohë që bëhet thirrje për të zhbllokuar rrugën. Pati pak çaste një konfrontim mes policinë dhe protestuesve që kërkojnë të largojnë policinë nga ky aks”, raportoi gazetarja Gerta Vasku, e cila po ndjek nga afër situatën në këtë zonë.
Sakaq, kanë nisur edhe shoqërimet e para në polici.
“Ka pasur protestues që janë shoqëruar në drejtorinë vendore të policisë së Elbasanit për bllokimin e aksit rrugor.”, raportoi gazetarja. /abcnews.al
