NBA rikthehet, ndërkohë që kampionët në fuqi të Toronto Raptors e kanë nisur në rrugë të mbarë, ashtu sikurse Kawhi Leoanrd, që la kanadezët dhe në orët e para të ditës së sotme ka fituar në derbi ndaj LA Lakers. Raptors përballë kishin New Orleans Pelicans dhe triumfuan me shifrat 130-122.
Nuk ishte një fitore e lehtë, pasi u desh të luhej një shtesë. Pascal Siakam (34 pikë, 5 asiste, 18 topa në tabelë) dhe Fred VanVleet (34 pikë, 7 asiste, 5 topa në tabelë) ishin në një formë shumë të mirë, ndërkohë që një dorë ua dha edhe Kyle Lowry (22 pikë, 6 asiste, 5 topa në tabelë). Raptors bënë më mirë se kundërshtari në periodën e tretë dhe në shtesë, atëherë kur ishte e domosdoshme.
Derbi i Los Angelos ishte mjaft interesant dhe Clippers mposhtën Lakers 112-102. Kawhi Leonard e nisi me 30 pikë të shënuara, ndërkohë që asistoi pesë herë dhe rikuperoi 6 topa në tabelë. Ylli i NBA iu gëzua fitores në fund falë edhe paraqitjeve të mira që bënë Lou Williams (21 pikë) dhe Montrezl Harrell (17 pikë).
Të gjithë lojtarët e Clippers shënuan dhe në fund çuan dëm ndeshjen e shkëlqyer të Anthony Davis (25 pikë, 5 asiste, 10 topa në tabelë) dhe Danny Green me 28 pikë të realizuara. LeBron James u ndal në kuotën e 18 pikëve, ndërkohë që “Mbreti” regjistroi edhe 8 asiste dhe 9 topa në tabelë. Gjithsesi Lakers e nisin me humbje.
BASKETBOLL, NBA
Toronto Raptors-New Orleans Pelicans 130-122
Los Angelos Clippers-Los Angelos Lakers 112-102
/abcnews.al
