Një çift nga Suedia kanë mbledhur më shumë se 58,000 euro për të blerë të drejtat e këngës së preferuar të Krishtlindjeve të Wham “Last Christmas” në mënyrë që të mos dëgjohet më kurrë.
Tomas, 50 vjeç dhe gruaja e tij Hannah, 33 vjeçe, kanë pranuar se e urrejnë klasiken e shkruar nga George Michael aq shumë sa duan të sigurohen që ata dhe të tjerët të mos e dëgjojnë më kurrë këngën.
Hannah tha se ajo zhvilloi një mospëlqim të fortë për këngën kur ishte duke punuar në një kafene në Oksford 13 vjet më parë, ku shefi i saj këmbëngulte që ajo ta luante këngën në mënyrë të përsëritur.
“Unë isha duke studiuar anglisht dhe duke punuar në një kafene. Shefi im kishte thënë që kënga duhet të luhej vazhdimisht. Gjatë ditës e kisha dëgjuar rreth 100 herë. Kështu që në një moment pyeta një muzikanti miku im nëse është e mundur të blesh të drejtat e një kënge. Ka shumë njerëz që e urrejnë këtë ide, por në një moment ne do ta arrijmë qëllimin tonë”, tha ajo.
Deri më tani, 327 persona kanë kontribuar në përpjekjen e çiftit. Sigurisht, përpjekja e tyre nuk është aq e lehtë. Të drejtat aktualisht janë në pronësi të Warner Chappell Music UK dhe vlerësohet të vlejnë midis 15 dhe 25 milion dollarë. Nëse ëndrra realizohet, ata planifikojnë të hedhin regjistrimin kryesor në një vend të mbetjeve bërthamore finlandeze. /abcnews.al
