Drejtori i CIA-s ka pohuar se 2000 deri në 4000 trupa ruse janë vrarë në Ukrainë që nga 24 shkurti.
William Burns tha se Ukrainën po e pret një javë e vështirë, ndërsa Rusia vazhdon pushtimin e saj “brutal në vend”.
Lexo edhe: Ministri ukrainas iu drejtohet liderëve të botës: Po përballemi me gjenocid, merrni vendime shpejt
BBC shkruan se Moska ka pësuar humbje të mëdha nga lufta, e cila tani ka arritur në ditën e 13-të.
Megjithatë, Rusia ka pranuar vetëm 498 vdekje në mesin e forcave të saj, shumë më poshtë se numri i vlerësuar nga agjencia e inteligjencës amerikane. Ndërkohë, forcat e armatosura të Ukrainës besojnë se kjo shifër shkon rreth 12,000 ushtarë të vrarë./abcnews.al/
