Gjatë merkatës së verës pritet të largohet Ousman Dembele nga skuadra e Barcelonës. Marrëdheniet u krisën gjatë muajit janar kur katalanasit donin ta shisnin francezin në një klub tjetër për të përfituar nga shitja e tij, gjë e cila nuk u pranua nga sulmuesi, i cili në fund të sezonit do të largohet si një “elektron” i lirë.
Sipas “Sport”, Chelsea dhe Juventusi janë tërhequr nga gara për transferimin e sulmuesit francez, në këto kushte Manchester United shikohet si skuadra favorite për të siguruar shërbimet e sulmuesit të Barcelonës.
Dembele u transferua në “Camp Nou” nga Borussia Dortmundi në vitin 2017 për 140 milionë euro. Por, ai nuk arriti që të dëshmohet asnjëherë te katalunasit.
Pas lëndimeve të shumta dhe paraqitjeve të dobëta, ka bërë që Dembele të startojë vetëm në pesë ndeshje në ligë këtë sezon. Edhe kur nuk ka lëndime, Xavi nuk e sheh atë si lojtar titullar dhe largimi i tij pritet të realizohet gjatë verës. /f.a/abcnews.al
