Vetë fëmijët mendojnë se qeveria duhet të bëjë më tepër për të ndihmuar të vegjlit që ndihen të përjashtuar për shkak të varfërisë, diskriminimit etnik apo aftësisë së kufizuar. Mendimin e tyre e dhanë për “Save the Children” e cila pyeti moshat nga 12 deri ne 17 vjeç për problemet që i shqetësojnë në tetë bashki të vendit. 10% e fëmijëve thanë se nuk janë të sigurtë në shkolla.
10 % e fëmijëve nuk ndjehen të sigurtë në shkollë. Shqetësimet e tyre kanë të bëjnë kryesisht me dhunën fizike dhe bulizmin.
Të dhënat vijnë në “Zëri i të Rinjve në Shqipëri 2017” një studim i zhvilluar rreth tre vite më parë në Suedi dhe i përshtatur për vendin tonë nga “Save the Children”.
Rreth 1200 fëmijë të moshave 12, 14 dhe 17 vjeç në tetë bashki të vendit në zona rurale dhe urbane dhanë pikëpamjet e tyre për problemet që i prekin referuar Konventës për të Drejtat e Fëmijëve.
“58% kanë parë fëmijë të dhunohen fizikisht, ndërsa 34% kanë qenë viktima të bulizmit. Vajzat janë ngacmuar dy herë më shumë se djemtë. 56% e fëmijëve mendojnë se strukturat përkatëse duhet të bëjnë më shumë për të eleminuar fenomenin e bulizmit. 87% që strukturat përkatëse duhet të bëjnë më shumë për të ndihmuar fëmijët që dëmtojnë veten 39% e fëmijëve janë të pasigurt ose nuk dinë ku mund të drejtohen kur ndjehen të dhunuar apo trajtuar në mënyrë të padrejtë”.
Rreth 90% e fëmijëve e konsiderojnë shumë të rëndësishme praninë e psikologut në shkolla pasi tregojnë se ndjehen nën stres edhe për rezultatet që marrin apo detyrat që iu lenë.
“73% ndjehen të stresuar nga detyrat dhe 75% ndjehen të stresuar nga rezultatet në shkollë”.
Ndërkohë, vitin e fundit rreth 25% e djemve në zonat rurale kanë treguar që vështirësitë financiare i kanë penguar të marrin pjesë në veprimtaritë shkollore ose jashtëshkollore. Thuajse të gjithë fëmijët e pyetur mendojnë se qeveria duhet të bëjë më tepër për të ndihmuar të vegjlit që ndihen të përjashtuar për shkak të varfërisë, diskriminimit etnik apo aftësisë së kufizuar./abcnews.al
https://youtu.be/aCgxp796OFw
