Beatrix Ramosaj ka qenë kryefjalë e mediave përgjatë muajve të fundit për shkak të lidhjes me Donald Veshaj. Dyshja i dhanë fund marrëdhënies së tyre vetëm pak ditë pasi aktori doli nga shtëpia e famshme. Ishte vetë këngëtarja që nënkuptoi se i kanë dhënë fund përmes një postimi në rrjete sociale, shoqëruar më pas dhe me “unfollow-n” nga Instagrami.
Dhe Donaldi reagoi dje për herë të parë duke fshirë Trixën nga lista e personave që ndjek. Njëri nga projektet që Trixa publikoi pas daljes nga shtëpia, ishte kënga “Faj” që i dedikohej Donaldit. Por duket se tashmë ka nisur punën për një projekt të ri. Së fundmi, ajo postoi në Instastory një video, duke etiketuar Dafina Zeqirin, ndërsa aty ndodhej macja e saj.
Dhe Alban Ramosaj ndau një postim ku kishte pranë macet e Dafinës. Këto detaje hedhin dyshime për një bashkëpunim mes tyre. Nuk dihet nëse bëhet fjalë për një duet apo thjesht këngëtarja po bashkëpunon me studion muzikore me të cilën punon dhe Dafina.
