Janë të shumta vajzat që e kanë bërë grimin pjesë të pandashme të përditshmërisë së tyre. Duke u përpjekur për t’u dukur sa më tërheqëse, shpesh harrojnë problemet e shumta që mund të vijnë pikërisht nga ky zakon. Bright Side ka renditur disa përfitime që merr lëkura juaj nëse ndaloni së aplikuari make up ose nëse reduktoni ndjeshëm sasinë e përdorur, shkruan abcnews.al.
Lëkura juaj është më pak e mbrojtur ndaj rrezeve të diellit.
Disa produkte kozmetike përmbajnë përbërës që mund ta bëjnë lëkurën tuaj të thatë. Për shembull, retinoli rekomandohet të përdoret gjatë natës për të shmangur rreziqet e rrezeve të diellit në lëkurë. Ndërsa hidroquinoni , i cili mund të gjendet në serumet e fytyrës që përdoren për të balancuar tonin e lëkurës e bën lëkurën më të ndjeshme ndaj rrezatimit të dëmshëm UV. Kur jeni pa make up, gjithçka që duhet të bëni është të blini është një produkt të mirë për lëkurën me mbrojtje SPF.
Ju do të dukeni më të rinj pa bërë shumë përpjekje.
Një studim pretendon se grimi i bën gratë e moshës mesatare të duken më të reja, por këta të fundit duken më të moshuara nëse aplikojnë shumë grim. Për më tepër, njerëzit kanë tendencën ta lidhin përdorimin e grimit me moshën madhore, kështu që kur përdorni make up, njerëzit ju bëjnë më të vjetër nga sa jeni në të vërtetë.
Ju nuk keni frikë të silleni natyrshëm dhe nuk shqetësoheni nëse grimi është prishur.
Kur është shumë nxehtë, ose kur jeni thjesht aktiv gjatë ditës, është e zakonshme të djersiteni. Nëse fytyra juaj është e mbuluar plotësisht me grim, është një sfidë e vërtetë për të mbajtur atë të fiksuar në vend gjatë gjithë ditës. Por me një fytyrë të freskët, pastrimi i djersës nga fytyra, nuk është më një sfidë dhe thjesht veproni natyrshëm gjatë gjithë kohës.
Njerëzit shikojnë më shumë se kush jeni dhe jo atë që përdorni në fytyrën tuaj.
Disa gra kanë zbuluar se trajtohen ndryshe nga njerëzit të tjerë kur përdorim grim në krahasim me rastet kur nuk e ndjekin këtë zakon. Ata thanë se njerëzit e tjerë shpesh mendojnë se janë mashtrues dhe befasohen më pas nga personalitetet e tyre reale. Pra, nëse ju ka ndodhur t’ju shikojnë ndryshe kur përdorni grim, një fytyrë e pastër mund t’ju ndihmojë për t’i ndaluar këto paragjykime për pamjen tuaj të jashtme.
Pamja juaj natyrale ju bën të dukeni më miqësorë në sytë e njerëzve të tjerë.
Nancy Etcoff, një profesor klinik në Shkollën Mjekësore Harvard, pretendon se një fytyrë pa grim duket më e besueshme për njerëzit e tjerë sesa një fytyrë e trukuar. Pra, në interes të fitimit të besimit dhe marrëdhënieve të përzemërta me njerëzit e tjerë, grimi rezulton të jetë më shumë një armik se një mik.
Ndikon në vetëbesimin tuaj.
Psikologët thonë se grimi nuk është një “pilulë magjike” për të rritur vetëvlerësimin tonë. Ne në fakt ndihemi më mirë jo për shkak të grimit, por sepse jemi të sigurt që dukemi të lezetshëm në sytë e njerëzve të tjerë. Siç rezulton, gjithçka që bën trukimi është të ndihemi më të sigurt, por efektet nuk zgjasin përgjithmonë.
Është më e lehtë dhe më e lirë për ju të mbani lëkurën tuaj të shëndetshme.
Pavarësisht nëse është apo jo i kushtueshëm, grimi do të bllokojë poret tuaja. Dhe nëse poret janë të bllokuara, mund të keni nevojë për trajtime të ndryshme për lëkurën, përfshirë vizitat tek dermatologët. Kur përdorimi i grimit është minimal, lëkura nuk kërkon kaq shumë trajtime, dhe në shumicën e rasteve nuk do t’ju duhet asgjë më shumë se ujë dhe sapun. Pra, përfitimet që merrni nga mos përdorimi i grimit vlen jo vetëm për lëkurën tuaj, por gjithashtu është një lehtësim për buxhetin tuaj. /abcnews.al/
